Presidenti i Turqisë, Recep Tayyip Erdogan, ka reaguar ndaj sulmit të Rusisë në Ukrainë, raporton CNNTurk.
Ai ka dënuar sulmin rus duke e quajtur të kundërligjshëm.
“Veprimi ushtarak është i papranueshëm dhe ne e kundërshtojmë atë. Ky hap të cilin e shohim si të kundërt me ligjin ndërkombëtar, është një shpërthim për stabilitetin në rajon”, ka thënë ai.
Ai ka shprehur keqardhje për të dyja shtetet që i konsideron mike.
“Na vjen keq sinqerisht që Rusia dhe Ukraina janë përballur në këtë mënyrë, që ne i shohim të dyja si vende mike dhe që kemi marrëdhënie të ngushta politike dhe sociale”, ka thënë ai.
Erdogan tha se Turqia do ta bëjë pjesën e saj për të arritur sigurinë për të gjithë në Ukrainë.