Reprezentuesi shqiptar i Maqedonisë së Veriut, Enis Bardhi së shpejti do të zyrtarizohet te klubi i Trabzonsporit në Turqi.
Lojtari shqiptar ka mbërritur në tokën turke ndërsa gjatë ditës pritet të kryejë testet mjekësore e më pas edhe të prezantohet te kampionët e Turqisë, njoftojnë mediat turke, transmeton Demokracia.com.
Duke u shprehur se kanë mbetur disa procedura në transferimin e tij te skuadra, Bardhi tha: “Puna e radhës do të jetë takimi me shokët dhe trajnerin tim. Është një nder i madh për mua të jem pjesë e ekipit kampion. Është diçka që kam pritur për një kohë të gjatë që të luaj në Ligën e Kampionëve dhe ta kem këtë shans. Është një burim i madh motivimi”, tha ai, citon “ntvspor.net”.
27-vjeçari do të transferohet te klubi turk nga ekipi i La Ligës, Levante te e cila luajti nga viti 2017.
Numri 10 nga Maqedonia e Veriut shënoi 3 gola dhe 3 asistime në 32 ndeshje sezonin e kaluar për Levanten./Demokracia.com/