Përparim Rama, kryetari i ri i Prishtinës, ka emëruar disa prej drejtorëve të rinj komunalë.
Demokracia.com ka mësuar emrat e drejtorëve që vijnë nga Lidhja Demokratike e Kosovës.
Mimoza Sylejmani pritet që të udhëheqë drejtorinë e Planifikimit dhe Zhvillimit Strategjik, ndërsa Donat Lushaku, do të jetë drejtor i Kadastrës.
Demokracia.com ka mësuar se Besant Beka do të udhëheqë drejtorinë e Administratës, kurse Doruntina Maloku pritet që të jetë drejtoreshë e Pronës.
Krenar Xhafer do të jetë në krye të drejtorisë për Investime Kapitale, ndërkaq, Arbër Sadiku do të udhëheqë Drejtorinë së Urbanizmit, Ndërtimit dhe Mbrojtjes së Mjedisit.
Izet Sadiku, i cili ka shërbyer si zëvendësministër i Shëndetësisë gjatë Qeverisë Kurti I, do ta udhëheqë drejtorinë e Shëndetësisë në komunën e Prishtinës, raporton Demokracia.com.
Vlen të përmendet se për shkak të ndarjes së posteve, Komunës së Prishtinës e cila tani ka udhëheqje të re, i janë shtuar edhe pesë drejtori të reja.
Siç dihet deri tani, pritet që të ketë tri drejtori të veçanta për arsim kulturë e sport.
Veç kësaj, pritet edhe një drejtori e veçantë për Investime kapitale dhe menaxhimin e kontratave dhe një për Planifikim strategjik dhe zhvillim të qëndrueshëm./Demokracia.com/