Kryeministri i Republikës së Kosovës, Albin Kurti sot ka emëruar zëvendësministrin e Mbrojtjes, kolonel Shemsi Syla.
Syla ka qenë veprimtar i çështjes kombëtare, ish-epror i lartë i UÇK-së, TMK-së dhe FSK-së, thuhet në komunikatë për media, përcjell Demokracia.com.
Zëvendësministri u prit nga ministri i Mbrojtjes Armend Mehaj, komandanti i FSK-së, gjenerallejtënant Rrahman Rama dhe sekretarja e përgjithshme e Ministrisë së Mbrojtjes, Rozafa Ukimeraj.
“Me këtë rast, zv.ministri Syla u prit nga ministri i Mbrojtjes, Armend Mehaj, komandanti i FSK-së, gjenerallejtënant Rrahman Rama dhe sekretarja e përgjithshme e Ministrisë së Mbrojtjes, Rozafa Ukimeraj.
Përvojën e gjatë profesionale ushtarake në detyra dhe përgjegjësi të rëndësishme, njohjen me proceset zhvillimore nëpër të cilat ka kaluar dhe po kalon Ministria e Mbrojtjes dhe FSK, roli dhe kontributi i zv.ministrit Syla, nga ana e ministrit Mehaj dhe gjeneral Ramës, u vlerësua shumë i rëndësishëm”, thuhet në njoftim.
Zëvendësminitri Syla shprehu zotimin e tij se me përvojën ushtarake dhe me kapacitetet e tij intelektuale dhe profesionale do të angazhohet në funksion të realizimit të politikave nacionale të sigurisë në përgjithësi, dhe të politikave qeveritare të mbrojtjes në veçanti./Demokracia.com/