Deputeti i Lëvizjes “Vetëvendosje”, Eman Rrahmani, i cili sot ka votuar në Komisionin Parlamentar kundër tërheqjes së mjeteve nga Trusti, ka rreth 31 mijë euro të hyra vjetore familjare dhe 13 mijë euro para të gatshme në bankat komerciale të Kosovës.

Sipas formularëve të deklarimit të pasurisë, Rrahmani në vitin 2016 ka blerë rreth 80 mijë euro banesë me garazhë.

Përndryshe, Rrahmani në vitin 2021 ka deklaruar dy paga mujore, një nga Kuvendi i Kosovës dhe një nga Kuvendi Komunal dhe dy paga i ka deklaruar bashkëshortja e tij nga bizneset private.