Për shkak të rezultateve jo të mira dhe humbjes turpëruese nga Liverpooli raportohet se e ardhmja e trajnerit, Ole Gunnar Solskjaer te Manchester Unitedi është drejt fundit.
Në mediat thuhet se pasues i norvegjezit do të jetë ish-trajneri i Interit, Antonio Conte, shkruan Demokracia.com.
Këtë e ka bërë të ditur edhe “eksperti” i transferimeve, gazetari Fabrizio Romano.
Sipas Romanos, Antonio Conte e dëshiron vetëm Manchester Unitedin, ndërsa ka shtuar se italiani ende nuk ka marrë ofertë në tryezë.
Conte u shpall kampion me Interin në edicionin e kaluar, ndërsa pasi ndau rrugët me ta është ende i papunë.
There’s no doubt on Antonio Conte decision since days. He wants Manchester United job and he’d be ready to accept. But there’s still no official proposal on the table, as things stand tonight. ? #MUFC
Manchester United are still thiking whether sacking or not Solskjær.
— Fabrizio Romano (@FabrizioRomano) October 25, 2021
“Djajtë e Kuq” ende nuk kanë marrë ndonjë vendim nëse do e shkarkojnë ose jo Solskjaerin.
Manchester Unitedi u mposht të dielën para shikuesve të vet 0-5 nga Liverpooli. /Demokracia.com