Po vazhdon saga e gjykimit në rastin e krerëve të UÇK-së.

Dëshmitari i radhës i Prokurorisë është Frank Ledwige, një ish-oficer i shërbimeve të inteligjencës së Britanisë, që në kohën e luftës kishte qëndruar edhe në Kosovë.

Ai ka thënë se ka marrë disa intervista nga serbët në vitin 1998, të cilëve u ishin zhdukur familjarët.

Megjithatë, për të marrë këto informacione, ai rezulton se ka marrë autorizim nga koloneli serb Milan Petroviq.

Këtë e ka thënë në seancë mbrojtja e Kadri Veselit.

“Kërkoj ndjesë, mbrojtja e Veselit desha të them se ka disa sygjerime nga deklarata e këtij dëshmitari. Në faqen 12 është autorizuar të mbledhë ifnromacione e t’i kalojë në Hagë. Ka marrë autorizim për ta bërë një gjë të tillë. Gjatë dy bisedave me kolonelin Milan Petroviq, më pyeti nëse kam autoritetin për të transferuar informacione në Hagë. Unë përpara këtij takimi kam marrë autorizim për ta bërë këtë. Këtë ia thashë kolonelit. Disa prej informacioneve të mbledhura janë mbledhur për këtë qëllim”, tha njëri nga avokatët e Veselit.