Zoom, kompania që fuqizoi revolucionin e punës në distancë gjatë pandemisë, po u thotë punonjësve të saj të kthehen në zyrë.

Në një deklaratë, Zoom tha se tani po zbaton një “qasje hibride të strukturuar”, që do të thotë se punonjësit duhet të jenë në zyrë të paktën dy ditë në javë sepse është më efektive.

“Si kompani, ne jemi në një pozicion më të mirë për të përdorur teknologjitë tona, për të vazhduar të mbështesim klientët tanë globalë. Ne do të vazhdojmë të shfrytëzojmë të gjithë platformën Zoom për t’i mbajtur punonjësit tanë dhe ekipet e shpërndara të punojnë me efikasitet,” tha kompania.

Në muajt e fundit, Google, Amazon dhe Salesforce kanë miratuar politika të ngjashme, duke i dhënë fund një qasjeje të epokës Covid që u dha punonjësve më shumë liri për të punuar nga shtëpia.