Deputeti i Lëvizjes Vetëvendosje, Haki Abazi, ka pyetur nëse ndryshimi i proklamuar duhet të “reduktohet në rehabilitim të atyre që i kanë shërbyer në një formë atij sistemi të korruptuar e kriminal që synohet të ndryshohet”.
Abazi përmes një postimi në Facbook thotë se “servilët janë paçavra të ndyra që i biejnë kujdo dhe kurdoherë në gjunjë e besa edhe i bëhen pjesë çdo pushteti”.
“Pyetja është nëse me servilë e poçavra të ndyera mund të ndërtohet e zhvillohet shteti? A duhet ndryshimi të reduktohet në rehabilitim të atyre që i kanë shërbyer në një formë atij sistemi të korruptuar e kriminal që synohet të ndryshohet!?”, shkroi Abazi.
Edhe ditën e djeshme deputeti i Vetëvendosjes i dërgoi një mesazh kryeministrit Albin Kurti, njëherësh shef i partisë së tij.