Drejtori i shkollës “Lidhja e Prizrenit”, në komunën e Deçanit ka njoftuar se sot do të nisin procesin mësimor.

Kësisoj kjo shkollë i bashkohet disa prej shkollave që nuk e kanë respektuar vendimin e SBASHK-ut për vazhdimin e grevës.

Njoftimin për fillimin e mësimit e ka bërë vetë drejtori i kësaj shkolle, Qazim Maloku.

Njoftimi i plotë, pa ndërhyrje:

Njoftohen nxënësit dhe prindërit që pas një analize dhe diskutimi të mbajtur të premten me mësimdhënësit e shkollës sonë me 23.9.2022 u vendos që mësimi të fillojë të hënën me 26.09.2022!

Ne, njëzëri u dakorduam që greven ta përkrahim me protestë në rrugë para hyrjes së shkollës nga mësimdhënësit e të dy ndërrimeve, duke filluar në 12:15 deri në 12:45 çdo ditë pune deri në realizimin e kerkesave tona të parashtruara nga SBAShK-u!

Organet e policisë në Deçan janë të njoftuar me protestën dhe kohën e mbajtjes.

Me respekt drejtori i shkollës !