Incidenti i ndodhur në ndeshjen e barazhit mes Vushtrrisë dhe Malishevës ka filluar të transmetohet edhe në mediat ndërkombëtare.

Mediumi argjentinas “TyC Sports”, i ka kushtuar një artikull këtij incidenti.

“Futbolli i Kosovës pati në një nga protestat më të pazakonta të vitit. Vushtrria po luante për ngritje në Kategorinë e Parë në shtëpi kundër Malishevës, por rezultati nuk ishte ai që pritej dhe gjithçka shpërtheu kur gjyqtari i ndeshjes dha penallti ndaj këtyre të fundit”, kështu fillon shkrimi i mediumit.

“Ishte minuta e 78-të e ndeshjes dhe Vushtrria po humbiste 2-0 . Atmosfera në stadium tashmë ishte ndezur dhe gjithçka u përkeqësua kur gjyqtari sinjalizoi penalltinë maksimale që u la shansin vendasve për promovim në litar”.

? ¡Nunca antes visto! La insólita protesta que se dio en Kosovo

Los hinchas del Vushtrria arrancaron la red de uno de los arcos luego de que el árbitro sancionara un penal a favor de su rival, Malisheva, en el partido por el ascenso.https://t.co/2euWtFS05N

— TyC Sports (@TyCSports) May 31, 2022

“Pikërisht atëherë tifozët vendosën të shqyejnë rrjetën! në protestë . Më në fund, pas disa minutash, ndeshja rifilloi dhe Malisheva nga dymbëdhjetë hapa bëri 3-0”, thuhet më tej në shkrimin e TyC Sports për incidentin.

Një raportim për këtë incident të shëmtuar në futbollin kosovar pati edhe SportsCenter, që lëshoi një video nga momenti.