Alina Kabayeva, e dashura e supozuar e presidentit rus Vladimir Putin, është përfshirë në propozimin për paketën e gjashtë të sanksioneve që Bashkimi Evropian po shpall kundër Rusisë për shkak të pushtimit të Ukrainës, konfirmuan dy burime diplomatike evropiane, transmeton Demokracia.com.

Në këtë fazë të hartimit të një pakete sanksionesh, çdo vend anëtar i BE-së mund të shtojë ose heqë nga lista e të sanksionuarve, tha një burim nga Komisioni Evropian. Propozimi i sanksioneve ende nuk është finalizuar zyrtarisht, por pritet të bëhet sot, në një takim të ministrave të jashtëm të BE-së që aktualisht janë në Bruksel.

“Ne jemi ende duke debatuar. Kjo nuk është gjë e vogël, ne duhet të shohim se si do të ndodhë gjithçka”, tha një burim.

Alina Kabayeva, një ish-gjimnast, u lidh me Putinin nga media më shumë se 10 vjet më parë. Presidenti rus mohon të jetë në një lidhje me të.

Në prill, Wall Street Journal raportoi se zyrtarët amerikanë po debatonin nëse do ta vendosnin ose jo në listën e sanksioneve, pasi një veprim i tillë mund të përshkallëzonte tensionet edhe më shumë, sepse Kremlini mund të perceptohej si një goditje jashtëzakonisht personale ndaj Putinit. /Demokracia.com/