Dora e radhës e sanksioneve të Shteteve të Bashkuara të Amerikës që në cak ka elitën ruse, përfshinë një grua, atë të cilën përflitej se ka qenë partnerja romantike për kohë të gjatë e Vladimir Putin.

Departamenti i Thesarit ka njoftuar se qeveria ia ka ngrirë vizën Alina Kabaevës, gjimnastes olimpike në rininë e saj, përcjell KlanKosova.tv.

Asaj i janë vënë edhe sanksione lidhur me pronat. Kjo lëvizje vjen pasi që ajo drejton një media kombëtare ruse, e cila promovon pushtimin që Rusia i ka bërë Ukrainës.

Kabaevës, sanskone i ka vënë Britania e Madhe në maj dhe Bashkimi Evropian i ka vendosur kufizime asaj sa i përket udhëtimit në muaj më pas.