Blirind Danjolli, këshilltar i Ministrit të Financave, Hekuran Murati, në Ditën e Forcës ka “lozur” pak me armët e ushtarëve të FSK-së në Prizren.
Ajo që bie në sy është mbajtja e armës së FSK-së në duar nga ana e Danjollit, shkruan Demokracia.com.
Në një postim në rrjetin social “Twitter”, ai madje nuk ka hezituar as ta shpërndajë fotografinë ku shihet këshilltari i Muratit me armë në dorë.
“Vizita në kazermën e FSK-së në Prizren. Urime gjithë ushtarëve të Ushtrisë së Kosovës – Ditën e Forcës. Gjithashtu ishte kënaqësi të takojë edhe shokun Pashtrik Kryeziu. Ju falenderoj gjithëve për kontributin tuaj. Ushtria jonë = Themeli i sovranitetit tonë”, ka shkruar këshilltari i Muratit.
Ndryshe, me rastin e Ditës së Forcës, të dielën duke filluar nga ora 12:00 deri në orën 15:00 është organizuar “Dita e Hapur”.
Në të gjitha kazermat e FSK-së, në këtë ditë festive, para qytetarëve të pranishëm, do të ekspozohen dhe demonstrohen aftësitë dhe kapacitetet ushtarake të FSK-së të shoqëruara edhe me aktivitete tjera. /Demokracia.com/
Vizita në kazermën e FSK-së në Prizren.
Urime gjithë ushtarëve të Ushtrisë së Kosovës – Ditën e Forcës. 🇽🇰
Gjithashtu ishte kënaqësi të takojë edhe shokun @PashtrikKryeziu. Ju falenderoj gjithëve për kontributin tuaj.
Ushtria jonë = Themeli i sovranitetit tonë.#MeForcën 💪🏻 pic.twitter.com/MFxE1WyOnS
— 🇽🇰Blirind DANJOLLI (@Blirind) November 27, 2022