COVID-19KosovaSot:728 Të gjitha:166,862|Bota 329,154,731
Lajme
E mbushi veturën me para të shtetit, Halit Gërbeshi u bë drejtor në kohën e Qeverisë Kurti
Demokracia
19:32 | 14 Janar 2022

Share:

Share:

Share

Tweet

Granit Xhaka tregon të vërtetën: Kjo është arsy... Tema e cila ka preokupuar gjithë shqiptarët ndër vite ishte mos ardhja e Granit Xhakës për ta p...

Ushtruesi i Detyrës së Drejtorit të Spitalit të Përgjithshëm në Ferizaj, Halit Gërbeshi, është larguar përkohësisht sot nga kjo pozitë. I njëjti u ndalua nga Policia e Kosovës, pasi ka keqpërdorur detyrën zyrtare, duke e furnizuar veturën e tij me derivate të naftës në kuadër të tenderit për spitalin. Gërbeshi pozitën e tij e fitoi nga SHSKUK-ja gjatë Qeverisë Kurti II.

Halit Gërbeshi është ndaluar për 48 orë nga Departamenti për Krime të Rënda në Ferizaj për veprën penale “Keqpërdorimi i pozitës apo autoritetit zyrtar”.

Prokuroria Themelore në Ferizaj sot konfirmoi se brenda afatit ligjor do të vendoset për procedurat e mëtejme hetimore ndaj rastit të Gërbeshit.

Demokracia.com ka mësuar së ky i fundit ishte emëruar në këtë pozitë gjatë kohës së Qeverisë Kurti II.

Në gusht të vitit 2021, SHSKUK e ka emëruar Gërbeshin ushtrues të detyrës së Drejtorit të Spitalit të Përgjithshëm në Ferizaj.

Vlen të përmendet se bordi i SHKSUK-së udhëhiqet nga Agreta Gecaj – Gashi, e cila është e afërt me Lëvizjen Vetëvendosje, partinë në pushtet, transmeton Demokracia.com.

Emërimi i Gërbeshit ka ardhur pasi Jeton Zeqirit, që ishte në krye të spitalit të Ferizajt, i ka skaduar kontrata që e kishte për tri vjet.

Gërbeshi dyshohet se ka kryer veprën penale “Keqpërdorimi i pozitës apo autoritetit zyrtar”, nga neni 414 i Kodit Penal të Republikës së Kosovës (KPRK).

Sipas Prokurorisë, ai dyshohet se si ushtrues detyre i Drejtorit të Spitalit të Përgjithshëm në Ferizaj ka keqpërdorur detyrën e tij zyrtare, duke e furnizuar veturën e tij private me derivate të naftës në kuadër të tenderit të paraparë për Spitalin e Përgjithshëm në Ferizaj./Demokracia.com/

 

Të gjitha