Presidenti i Ukrainës, Volodymyr Zelensky ka zhvilluar një bisedë telefonike me kryeministrin e Shqipërisë, Edi Rama.

Zelensky përmes një shkrimi në llogarinë e tij në Twitter, ka thënë se Ukraina e vlerëson ndihmën e Shqipërisë në këto kohë të vështira, përcjell Demokracia.com.

Ai tutje ka shtuar se “po bëjmë gjithçka për ta përfunduar luftën”.

“Pata një bisedë telefonike me kryeministrin e Shqipërisë Edi Rama. Biseduam për luftën kundër pushtuesit rus. Diskutuam punën e përbashkët në OKB. E vlerësojmë ndihmën praktike dhe mbështetjen e Shqipërisë në këto kohë të vështira. Ne po bëjmë gjithçka që ta përfundojmë luftën”, ka shkruar Zelensky.

Had a phone conversation with 🇦🇱 Prime Minister @ediramaal. Spoke about the fight against Russian invaders. Discussed joint work within 🇺🇳. We appreciate the practical help and support of Albania in this difficult time. We are doing everything to end the war. #StopRussia

— Volodymyr Zelenskyy / Володимир Зеленський (@ZelenskyyUa) March 5, 2022

Asambleja e Përgjithshme e OKB-së miratoi me shumicë dërmuese para tre ditësh rezolutën kundër agresionit rus, të propozuar nga Shqipëria dhe SHBA./Demokracia.com/