Policia e Kosovës ka bërë të ditur se të premten me 3 mars kanë arrestuar tre të dyshuar kosovarë në Gjilan pasi dyshohet se të njëjtit e kanë mbikëqyrur dhe trajtuar në mënyrë jo të ligjshme një grua të moshuar.

Të dyshuarit sipas Policisë kishin improvizuar kinse kanë hapur një “Shtëpi për të moshuar” dhe me qëllimit ë përfitimit personal, kishin marrë 1000 euro në muaj nga familjarët e të moshuarës.

“TRAJTIM I PANDËRGJEGJSHËM MJEKËSORË- MASHTRIM/Gjilan 10.02.2023 17:20 Më 03.03.2023 janë arrestuar 3 të dyshuar (dy meshkuj dhe një femër)  kosovarë pasi që dyshohet se te njëjtit kanë mbikëqyrur dhe trajtuar në mënyrë jo të ligjshme viktimën femër  kosovare – e moshuar. Të dyshuarit kinse kanë hapur një “Shtëpi për të moshuar”, ku për qëllim  të përfitimi personal, në këtë rast për sistemimin e të moshuarës, familjarët e saj  kanë paguar 1000 € për muaj.”, thuhet në njoftimin e Policisë.

Sipas Policisë me vendim të prokurorit njëri i dyshuar mashkull është dërguar në mbajtje, kurse dy të dyshuarit e tjerë jenë liruar në procedurë të rregullt./Demokracia.com/