Raportohet se edhe një gjeneral rus ka humbur jetën gjatë luftimeve të ashpra me ukrainasit, që assesi nuk e kanë ndërmend të lejojnë ushtrinë e Vladimir Putinit t’i pushtojë.

Bëhet fjalë për Alexander Bespalov, komandant i regjimentit të 59-të të tankeve, që u vra gjatë betejës nga mbrojtja ukrainase.

Me Bespalovin, po bëhen nëntë zyrtarë të lartë ushtarakë që presidenti rus Vladimir Putin po i humb nga fillimi i pushtimit të Ukrainës – pra nga 24 shkurti e deri më sot.

Funerali i Bespalovit është mbajtur të premten në qytetin rus Ozersk, raportojnë mediat lokale, transmeton Telegrafi.

Në anën tjetër, ministria ukrainase e Mbrojtjes, ka vlerësuar se Rusia ka humbur mbi 19 mijë ushtarë në Ukrainë.

Russian Colonel Alexander Bespalov, the commander of the 59th Guards Tank Regiment (part of the 144th Guards Motorized Rifle Division), has been killed in battle by the Ukrainian Army. pic.twitter.com/jLMFi93hGY

— Visegrád 24 (@visegrad24) April 10, 2022