Dy persona janë lënduar në një aksident trafiku mes tri automjeteve në rrugën Prishtinë-Podujevë, saktësisht në fshatin Bardhosh.
Lajmin për Demokracia.com e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Sipas Ahmetit personat e lënduar janë dërguar për tretman mjekësor.
“Sot rreth orës 09:00 në rrugën Prishtinë-Podujevë, saktësisht në fshatin Bardhosh, ka ndodhur një aksident rrugor ku janë përfshirë tri automjete . Bazuar në të dhënat e deritanishme si pasojë e aksidentit janë lënduar 2 persona . Personat e lënduar janë dërguar për tretman mjekësor”, tha Ahmeti.
Sipas saj me rastin janë duke u marrur hetuesit e njësitit të trafikut./Demokracia.com