Dy nga tre pengjet izraelite që u shfaqën dje në videon e publikuar nga Hamasi, me sa duket vdiqën “nën bombat e ushtrisë izraelite”.
Kjo u sugjerua përmes një videoje të re nga Brigadat Ezzedin al-Qassam, krahu i armatosur i grupit ekstremist palestinez.
Lajmi u raportua nga “Al Jazeera” dhe disa media izraelite (por pa shfaqur videon).
Nga tre pengjet e shfaqura dje (dy burra dhe një grua), vetëm Noa Argamani është ende gjallë. Dy të tjerët, Yossi Sharabi dhe Itay Svirsky, kanë humbur jetën.
Është gruaja e rrëmbyer ajo që thotë në video se të dy “u vranë në dy bombardime të veçanta izraelite”, por është e pamundur të dihet se sa lirisht mundi të shprehej, duke qenë ende në duart e Hamasit.
“Isha në një ndërtesë që u bombardua nga një sulm ajror IDF”, thotë gruaja, e cila u rrëmbye gjatë Festivalit Nova më 7 tetor.
“U lëshuan tre raketa. Dy shpërthyen dhe i treti jo. Ne ishim në ndërtesë me ushtarët e al-Qassam. Pasi goditja në të cilën ndodheshim, ne u varrosëm të gjithë nën rrënoja. Ushtarët e Al-Qassam më shpëtuan mua dhe Itai-n, por për fat të keq nuk arritëm t’i shpëtonim jetën Yossi-t “, shtoi Argamani – Pas shumë ditësh, unë dhe Itai u transferuam në një vend tjetër. Ndërsa ne po lëviznim, Itai u godit nga një sulm ajror IDF. Ai nuk mbijetoi”.