Dy avionë luftarakë amerikanë po fluturojnë mbi qiejtë e entitetit serb të Bosnje-Hercegovinës si pasojë e kërcënimeve për “shkëputje dhe pavarësim” të Republika Srpska; motive këto të artikuluara publikisht lideri ultranacionalist serb, Milorad Dodik, raportoi Associated Press.
“F-16 Fighting Falcons” do të fluturojnë si pjesë e trajnimit të përbashkët ajër-tokë në të cilin marrin pjesë forcat amerikane dhe ato të Bosnje-Hercegovinës. Fluturimet do të jenë në rajonet e qytetit lindor të Tuzlës dhe Brçkos, sipas një deklarate nga Ambasada e SHBA në Sarajevë.