Mesfushori i Maccabi Haifa, Maor Levi arriti të shpëtojë kundërshtarin e tij, Nodar Kavtaradze nga një lëndim i rëndë në ndeshjen e së enjtes.
Haifa priti Dinamo Tbilisin në raundin e dytë kualifikues të Ligës së Konferencës, shkruan Demokracia.com.
Ndeshja ishte e rëndësisë së madhe, andaj edhe lufta në fushë nuk mungoi në disa momente.
Levi dhe Kavtaradze u hodhën në ajër për një top, kur futbollisti mysafir kërceu mbi lojtarin izraelit dhe po binte në tokë në mënyrë të vështirë, e lëndimi ishte i pashmangshëm.
Fair play total ?
Maor Levy ?? salva Nodar Kavtaradze ?? de um perigoso esbardalhanço, de tal forma que o russo até parece que se apaixona de imediato ?? pic.twitter.com/jefQCcbEfk— GoalPoint.pt (@_Goalpoint) July 30, 2021
Për fat të mirë, izraeliti e kuptoi se kundërshtari i tij po binte në tokë dhe po rrezikonte lëndimin, ai intervenoi me duart e tij duke mos e lënë që ai të binte në tokë me kokë.
Ky veprim i lojtarit vendas u përshëndet nga lojtarët prezent në fushë dhe nga mijëra futbolldashës në rrjetet sociale. /Demokracia.com