Emiratet e Bashkuara Arabe kanë treguar planet për të ndihmuar Oganizatën e Kombeve të Bashkuara (OKB) të shpërndajnë dy miliardë vaksina kundër COVID-19 në disa vende më të varfra të botës deri në vitin e ardhshëm.

Dubai do të kombinojë rrjetin e tij të gjerë të burimeve të transportit ajror dhe detar pasi vepron si një qendër globale furnizimi, shkruan BBC, transmeton Demokracia.com.

“Emirates Skycargo”, Aeroportet e Dubait dhe operatori i porteve “DP World” do të formojnë një aleancë logjistike “për të shpejtuar transportin në mbarë botën të vaksinave të nevojshme urgjente përmes Dubai”.

Dubai tashmë ka një nga qendrat më të mëdha në botë që specializohet në logjistikën e shpërndarjes së ndihmave.

Javën e kaluar, një organizatë me bazë në Dubai e përfshirë në menaxhimin ndërkombëtar të portit ra dakord të ndihmojë vaksinat e OKB-së në vendet me të ardhura të ulëta dhe të mesme. Firma do ta bëjë këtë pa asnjë kosto./Demokracia.com