Dua Lipa ka shtyrë sërish turneun e saj muzikor të albumit të dytë “Future Nostalgia”. Këngëtarja me origjinë shqiptare kishte planifikuar të mbante turneun në maj të 2020-ës por u anulua për shkak të pandemisë, për t’u shtyrë më pas sërish në janar 2021.

Tetorin e kaluar, datat u ripërcaktuan për në shtator dhe tetor të këtij viti por me kufizimet që ende vijojnë në Mbretërinë e Bashkuar, ylli i muzikës pop ka njoftuar sërish shtyrjen e turneut. Përmes një postimi, Dua bën me dije se koncertet do të mbahen në pranverën e vitit të ardhshëm.

“Jam plotësisht zemërthyer t’ju them se nuk do të jemi në gjendje ta vazhdojmë turneun tim në Mbretërinë e Bashkuar dhe Evropë këtë shtator dhe tetor. Ju lutem mbani biletat, pasi mbesin të vlefshme për datat e planifikuara. Mes po pres të kthehen në skenë dhe të ribashkohen me të gjithë ju. Gjithashtu do të shtohen dhe data të tjera, të cilat do të dalin këtë javë. Ju dua, Dua.“, ka shkruar ajo.