Ekipi olimpik i Kosovës e ka përmbyllur aventurën në Lojërat Olimpike “Tokio 2020”.
Kosova arriti sukses historik në Lojërat Olimpike në Japoni, ndërsa siguroi dy medalje të arta në sportin e xhudos, shkruan Demokracia.com.
Distria Krasniqi dhe Nora Gjakova ishin dy protagonistët që shkëlqyen në kategoritë e tyre për t’u stolisur me medaljet e arta, duke bërë kështu që edhe mediat më të mëdha prestigjioze në botë të shkruajnë për Kosovën.
Trajneri dhe një ndër meritorët e këtij suksesi në llogarinë e tij në Facebook ka reaguar duke u shprehur krenar me ekipin e tij.
Postimi i plotë i Driton Kukës (pa ndërhyrje):
Samurajët Shqiptar …
Medaljet Olimpike për popullin Shqiptar së shpejti do zbarkojnë në trojet Shqiptare
Xhudistët e ekipit tonë me sot i përfunduan garat në Lojëra Olimpike!
Dy Medalje të Arta!
Ende po më duket si ëndërr e mirë 5 garues e dy të arta!
Medaljet janë të krejt ekipit me protagoniste Disin e Noren!
Ashtu siç ishte e arta e Majlindes.
Ekipi jemi ne që stërvisim,gëzohem e qajmë së bashku në fitore e humbje,aty qëndron forca jonë e madhe!
Kemi në krye Agronin që çdo ditë duron tekat e mia të trenerit,por kjo krejt është shpaguar …
2 Olimpiada 3 Medalje të Arta!
Me dhjetra medalje Evropiane e Botërore!
Këta jemi ne!
I gëzofshim medaljet të gjithë ne,Shqiptarët kudo që jemi!
Jam mirënjohës miq për aq shumë mesazhe e urime prej dhjetra mijëra miqve.
Ata që kanë menduar që medalja e artë e Majlindës është e para dhe e fundit,jeni mashtruar në llogari!
Spo flas më shumë për sojin e juaj se sdua ta prish festën e madhe!
E kam thanë edhe më heret
Me ujë,zjarr e xhudon e Kosovës ska lojë!
Kosova mbi të gjitha … /Demokracia.com