Drakula me siguri është vampiri imagjinar më i famshëm në botë. Por pavarësisht kësaj, njeriu që frymëzoi kontin gjakatar, sipas ekspertëve, mund të ketë qenë vegan.

Besohet se personazhi imagjinar i Bram Stoker u frymëzua nga një guvernator rumun i shekullit të 15-të i quajtur Vlad the Impaler.

Princi mesjetar besohet se varte dhe vriste në shtyllat e drurit armiqtë dhe ishte tri herë sundimtari i Vllahisë midis viteve 1448 dhe deri në vdekjen e tij rreth vitit 1477.

Tani, 500 vjet më vonë, analiza shkencore e disa prej letrave të tij të shkruara me dorë sugjeron se Vlad mund të ketë ngrënë vetëm ushqime me bazë bimore. Ekipi i studimit nxori gjak, djersë, gjurmë gishtash dhe pështymë nga një letër në maj të këtij viti. Nga këto të dhëna dallohet mungesa e proteinave ushqimore shtazore.

Letra është e datës 4 gusht 1475 dhe u shkrua banorëve të Sibiut nga një burrë që e përshkruan veten në tekst si “princi i rajoneve transalpine”. Ai njoftoi banorët e qytetit se së shpejti do të jetonte në fshatin e tyre. Në fund, ai nënshkroi emrin e tij: Vlad Dracula.

“Në shekullin e 15-të, Evropa kishte një klimë shumë të ftohtë dhe kishte shumë pak ushqim,” tha bashkëautori Gleb Zilberstein për The Times.
“Sipas bioarkeologëve, aristokratët në të gjithë Evropën kishin një dietë shumë të varfër dhe mishi shpesh nuk konsumohej,” u shpreh Zilberstein.