Kuvendi i Kosovës përgjatë javës së ardhshme pritet t’i mbajë dy seanca, në të cilat do të shqyrtohet edhe shkarkimi i Bekim Arifit nga pozita e nënkryetarit (e propozuar nga grupi jo-shumicë), si dhe Ligji për Shëndet Riprodhues dhe Fertilizim të Asistuar Mjekësor që solli debate brenda VV-së.
Në dokumentet e siguruara nga Demokracia.com për rendin e ditës të seancës së të mekurës, për votim të mërkurën do të hidhet Ligji për Shëndet Riprodhues dhe Fertilizim të Asistuar Mjekësor, të cilin e bojkotuan 10 deputetë të shumicës.
Eman Rrahmani nga Lëvizja Vetëvendosje deklaroi se ky projektligj shkatërron konceptin tradicional të familjes.
“Në njërin prej neneve, e drejta e fertizilimit u jepet edhe vajzave të pamartuara. Por edhe çështje të tjera të cilat u folën edhe nga deputetët e tjerë. Andaj unë personalisht nuk do të marrë pjesë në këtë votim dhe kisha kërkuar nga ministri ta tërheqë”, deklaroi ai.
Në seancën e së mekurës pritet edhe shkarkimi i deputetit Arifi nga pozita e nënkryetarit, si propozim i grupit multietnik. Kjo, pasi që në marrëveshjen e nënshkruar mes palëve parashihej që Arifi të mos e mbante mandatin e numrit dy të Kuvendit deri në fund.
Në Kuvendin e Kosovës si pikë e papërfunduar e rendit të ditës do të shqyrtohet edhe themelimi i një komisioni hetimor parlamentar për rastet e dhunës seksuale dhe dhunës në familje.
Po ashtu, pritet të votohet për një anëtar të komunitetit shqiptar dhe atij serb në bordin e Radio Televzionit të Kosovës (RTK).
Pikë tjetër që do të shqyrtohet nga deputetët do të jetë edhe emërimi i drejtorit dhe z zëvendësdrejtorit të Sekretariatit Ekzekutiv të Agjencisë për Krahasim dhe Verifikim të Pronës.
Rendi i plotë i ditës, i seancës të së mërkurës dhe së enjtes:
/Demokracia.com/