Paneli zgjedhor për përzgjedhjen e Guvernatorit të Bankës Qendrore ka dërguar në Qeveri dy emrat e kandidatëve me më shumë pikë, të përzgjedhur për këtë pozitë.
Menjëherë pas kësaj Qeveria e Republikës së Kosovës, ka dhënë mendim dhe është pajtuar me kandidaturat e propozuara nga Paneli Seleksionues për përzgjedhjen e Guvernatorit të Bankës Qendrore të Republikës së Kosovës, shkruan Demokracia.com.
“Obligohet Sekretari i Përgjithshëm i Zyrës së Kryeministrit që Vendimin t’ia dërgojë Kuvendit të Republikës së Kosovës.”, thuhet në vendimin që ka marrë të premten Qeveria e Kosovës.
Pak orë më parë Banka Qendrore e Kosovës njoftoi se duke u mbështetur në Ligjin nr. 03/L-209 për Bankën Qendrore të Republikës së Kosovës, Paneli për përzgjedhjen e Guvernatorit/es të Bankës Qendrore ka dërguar në Kuvendin e Kosovës dhe Qeveri, listën e kandidatëve të përzgjedhur si në vijim:
Ahmet Ismaili – (84.67 pikë, nga 100 maksimale),
Lulzim Ismajli – (73.67 pikë, nga 100 maksimale).
Ndryshe, pas përfundimit të mandatit të Guvernatorit të BQK-së, Fehmi Mehmetit, ushtrues detyre i Guvernatorit erdhi Bashkim Nurboja, kryetar i Bordit të BQK-së.