Sabrie Grainca sapo u bë diplomate në Ambasadën e Kosovës në Tiranë filloi me rehatimin edhe të familjarëve të saj.
Djali motrës së saj, Ylli Misini, u punësua si shofer në Miinistrinë e Punëve të Jashtme dhe Diasporës.
Ai ka marrë 289 pikë, pothuajse numrin maksimal të pikëve.
Demokracia.com ka siguruar vendimin për punësimin e tij.
Javë më parë, Ministrja e Punëve të Jashtme dhe Diasporës, Donika Gërvalla-Shwarz, ka prezantuar një rregullore, e cila ndalon punësimin e familjarëve të të punësuarve në këtë ministri.
Ajo ka thënë se ka nënshkruar vendimin që ndalon punësimin e familjarëve të afërt të zyrtarëve e diplomatëve në këtë institucion.
Përmes një shkrimi në rrjetin social Facebook, Gërvalla ka thënë se ka pasur të punësuar, motra, vëllezër, gra, burra, kunata e baxhanakë të ministrave e zyrtarëve të tjerë.
“Është i gjatë rrjeshti i familjarëve të figurave politike dhe publike të punësuara në këtë ministri. I motrave dhe vëllezërve, i grave dhe burrave, djemve dhe vajzave, kunatava, kunetërve dhe baxhanakëve të ministrave, deputetëve, pronarëve të mediumeve, gjyqtarëve e prokurorëve. Nuk është i vogël as numri i anëtarëve të ngushtë të familjes të zyrtarëve të MPJD/së. Deri në katër anëtarë nga e njëjta familje kanë qenë të punësuar në këtë institucion. Familjarë të ngushtë janë dërguar të shërbejnë në të njëjtin mision diplomatik.” – ka thënë ajo.
Në fund, Gërvalla ka shtuar:
“Vendimin e kam marrë me shumë përgjegjësi, e ndërgjegjshme që do të hasë në kundërshtime të forta nga ana e qarqeve politike dhe mediale, të mësuara me ndërhyrje të tilla, të cilat e dobësojnë shumë strukturën e ministrisë dhe vullnetin e zyrtarëve për të punuar me përkushtim. Por ndaj këtij vendimi nuk ka alternativë. Punësimi në MPJD, rekrutimi i diplomatëve të rinj mund dhe do të bëhet vetëm duke u bazuar në meritokraci, në konkurse të hapura për të gjithë dhe të bazuara në kritere profesionale”.
