Zyra e Kryeministrit ka dhënë një tender në vlerë të 540 eurove për blerjen e një tepihu. Ky tepih nëpër të cilin do të shkelë edhe Albin Kurti është i kualitetit të lartë dhe i punuar nga leshi.
Një tepih i ri do të shtrohet në Qeverinë e Kosovës. Blerjen e tij përmes një tenderi publik e ka bërë zyra e Albin Kurtit.
Nuk është treguar se në cilën zyre do të shtrohet, por vetëm dihet që vlera e tij është fiks 540 euro, shkruan Demokracia.com.
Tepihu është i punuar nga leshi dhe ka një kualitet të lartë.
“Furnizim me tepih. Furnizim me tepih të punuar nga leshi i kualitetit të lartë, Dim. 200 cm x 300 cm 6m. Vlera e përgjithshme e kontratës 540.00 euro”, thuhet në njoftimin e shpallur.
Për këtë tender ka konkurruar vetëm një kompani, e cila edhe është shpallur fituese.
Kontrata mes kompanisë dhe Kryeministrisë është nënshkruar para tri ditësh.
“Data e nënshkrimit të kontratës: 27.11.2023. Numri i tenderëve të pranuar: 1. Numri i tenderëve të përgjegjshëm: 1 Emri zyrtar i kompanisë fituese “GJINI”. /Demokracia.com/