Kuvendi i Kosovës ka shpallur tender për blerjen e perdeve dhe tepisonëve.
Siç bëhet e ditur në tenderin e publikuar në Prokurimin Publik, vlera e parashikuar e kësaj kontrate është 25 mijë euro, raporton Demokracia.com.
Në tenderin e publikuar në KRPP thuhet se pritet blerja e 15 artikujve.
Përmes njoftimit për kontratë, Kuvendi ka bërë me dije se kohëzgjatja e kësaj kontrate pritet të jetë 36 muaj.
Kompanitë e interesuara kanë afat që t’i dorëzojnë ofertat deri më 23 qershor në orën 14:00, derisa para dorëzimit të ofertave, ato duhet të bëjnë një vizitë në Kuvend. /Demokracia.com/