Dogana e Kosovës ka dërguar staf shtesë në pikat kufitare Jarinjë e Bërnjak, pas dorëheqjes së 11 zyrtarëve të Doganës, nëntë serbë e dy boshnjakë.
Lajmin e ka konfirmuar për Demokracia.com zëdhënësi i Doganës, Adriatik Stavileci.
“Po, është dërguar staf shtesë dhe janë plotësuar të gjitha pozitat”, ka thënë Stavileci .
Dorëheqjet e këtyre zyrtarëve kanë ardhur pas vendimit të Listës Serbe për largimin nga institucionet e Kosovës.
Ndryshe, serbët janë larguar nga Qeveria, Kuvendi, Policia, gjykatat dhe prokuroritë./Demokracia.com/