Christophe Galtier prej ditësh është emëruar si trajneri i PSG. 55-vjeçari ndodhet prej disa ditësh në Paris, por aventura e tij duket se nuk ka nisur mirë.
Gjatë prezantimit të tij, përveç që foli për Mbappe, Neymar apo dualizmin mes Navas dhe Donnarumma, ai foli edhe për tifozët. Një fjali e thënë nga trajneri krijoi jo pak diskutime.
Trajneri, në fakt, nënvizoi se “në Parc des Princes nuk ka mbështetje të zjarrtë”, njoftojnë mediat franceze.
Fjalë që nuk u pëlqyen nga tifozët e PSG. Këtë e ka bërë të ditur edhe Romain Mabille, i cili është kreu i ultrasve. Ky i fundit ka dhënë një intervistë për Le Parisien.
“Galtier nuk mund të anashkalojë peshën e fjalëve të tij, të kota dhe ofenduese. Do ta bëjmë të ndryshojë mendje, sa keq që prishi gjithçka”.
Fjalë fyese sigurisht, por presidenti i Collectif Ultras Paris nuk do që ta fillojnë me këmbën e gabuar dhe arrin në përfundimin se ai është i hapur për diskutim./Demokracia.com/