Distria Krasniqi e ka humbur ndeshjen çerekfinale në Kampionatin Evropian të xhudos.

Xhudistja kosovare është mposhtur nga francezja, Amandine Buchard, e cila e fitoi ndeshjen me IPPON, në kategorinë deri në 52 kilogram, shkruan Demokracia.com.

Krasniqi në luftën e parë e kishte kaluar bullgaren Gabriela Dimitrova. Tani i duhen edhe dy fitore për ta siguruar medaljen e bronztë evropiane përmes repesazhit.

Në garë për medalje është edhe xhudistja tjetër kosovare, Flaka Loxha e cila kaloi në gjysmëfinale.

Ndryshe, Kampionati Evropian i xhudos po mbahet në Sofje të Bullgarisë./Demokracia.com/