Deputeti Haxhi Avdyli e ka bërë një postim mjaft interesant në Facebook, ku ka sulmuar disa media të caktuara pasi i raportuan disa statuse që me gjasë janë shkruar nga llogari me lokacion në Vietnam.
Avdyli nga një llogari e tij postoi gjëra të ndryshme të çuditshme, por më pas dha sqarimin se llogaria i ishte vjedhur.
Sidoqoftë, ai tash ka sulmuar mediet duke aluduar se për to nuk dihen “burimet e financimeve”. Nuk dihet saktësisht se për cilat media e ka pasur fjalën deputeti i Vetëvendosjes që është pjesë e partisë Guxo.
“Prandaj përqeshin, banalizojnë, shpifin kundër të gjithë neve që kemi ndihmuar e jetësuar ndryshimin e madh,”, pretendon ai.
Më tej, ai ka pretenduar se sulmet po i vijnë pasi ai është “me qytetarë të ndershëm”, “në rrugë të drejtë” e të tjera.
Kujtojmë qytetarët se më herët Avdyli është distancuar nga postimet e tij nën pretendimin se janë bërë nga tjetërkush, prandaj ndoshta duhet ta marrin me rezervë edhe këtë postim.
Statusi i plotë: