Derbi shqiptar në mes Shkupit dhe Shkëndijës së Tetovës në ndeshjen e Kupës së Maqedonisë së Veriut u ndërpre për shkak të hyrjes së tifozëve vendas në fushë të cilët sulmuan futbollistët mysafirë.
Po rrjedhte minuta e tetë e ballafaqimit kur Shkëndija kaloi në avantazh, teksa pas golit, disa tifozë vendas hyrën në fushë dhe sulmuan lojtarët kundërshtarë, me ç’rast ndeshja u ndërpre, njoftuan mediat shqiptare atje, përcjell Demokracia.com.
Pas incidenteve të krijuara, Shkupi ka dalë me një njoftim në faqen zyrtare.
Ata kanë njoftuar se vendimi final në lidhje me fatin e atij takimi do të merret nga ana e Federatës së Futbollit të Maqedonisë së Veriut.
“Pas ndërprerjes së ndeshjes mes F.C Shkupi – Shkëndija, vendimi final do të meret nga ana e FFM-së”, thuhet në njoftimin zyrtar./Demokracia.com/