Prishtina ka vazhduar me formë të mirë. Pas dy fitoreve ndaj Dritës, një në Superkupë dhe një në Kupë, bardhekaltrit sot e kanë mposhtur edhe Drenicës në kampionat me rezultat 3:1, shkruan Demokracia.com.
Trajneri i Drenicës, Bledar Devolli pas ndeshjes për “Art Sport” ka thënë se fusha e mbuluar me borë dhe e ngrirë pamundësoi të zhvillohet ndeshje dhe kjo ishte arsye e humbjes.
“Unë e di që me rregullore në fushën me borë do të duhet të ishte topi i kuq. Fusha ishte edhe ngrirë e cila e pamundësonte zhvillimin e ndeshjes dhe për tu zhvilluar ndeshje është dashur të ishte borë e shkrirë për të mos pasur lëndime të futbollistëve, pasi ne kemi investuar shumë në këta futbollistë”, ka deklaruar Devolli.
Drenica këtë edicion synimin e vetëm e ka mbetjen në elitën e futbollit kosovar. /Demokracia.com