Dyshohet se një vrasje e rëndë ka ndodhur sot në oborrin e QKUK-së në Prishtinë.
Sipas burimeve, dyshohet se viktima është grua dhe se ka qenë e shtrirë në Gjinekologji të QKUK-së. Ka raportime se ajo ishte në javët e fundit të shtatzënisë.
Demokracia.com ende është në pritje të marrjes së informacioneve zyrtare nga Policia e Kosovës.
Lajm në përditësim
Gruaja shtatzënë e cila ka humbur jetën, është qëlluar me armë zjarri nga një person i cili dyshohet se është burri i saj. Kështu ka bërë të ditur një anëtar i stafit të QKUK-së për Radio Dukagjini.
Jetën e kanë humbur edhe gruaja edhe fëmija, dyshohet se vdekja e tyre ka qenë e menjëhershme.
Trupi i pajetë po qëndron ende në vendin e ngjarjes.