Deputeti britanik nga Partia e Punës dhe Kooperativës, Stephen Doughty, ka thënë se është i alarmuar për ngjarjet në veri të Kosovës me barrikadat ilegale e ngritura nga serbët.
Ai tha se vendi i tij ka një rol kyç, prandaj edhe ia shtroi pyetjen se çka po bën për këtë, raporton Gazeta Express.
“Thellësisht i alarmuar nga bllokadat dhe paqëndrueshmëria në veri të Kosovës. E rëndësishme është kufizimi dhe de-përshkallëzimi; Barrikadat ilegale të vendosura nga serbët e Kosovës duhet të hiqen; Sulmet ndaj gazetarëve dhe aktiviteti i armatosur i disidentëve duhet të marrin fund. Mbretëria e Bashkuar ka rol kyç – çfarë hapash po ndërmarrim urgjentisht?”, ka shkruar ai në Twitter.
Deeply alarmed by blockades and instability in north #Kosovo. Vital there is restraint and de-escalation; illegal barricades built by Kosovo Serbs must be removed; attacks on journalists & armed dissident activity must end. UK has key role – what steps are we urgently taking?
— Stephen Doughty MP (@SDoughtyMP) December 28, 2022
Ai gjithashtu ka rishpërndarë një postim të një anëtari të Partisë së Punës britanike, David Lammy, i cili ka thënë se është i shqetësuar nga tensionet në Kosovë.
“Tani është koha për përmbajtje dhe depërshkallëzim dhe për t’i dhënë fund kërcënimeve e frikësimeve, duke përfshirë barrikadat destabilizuese. Ministrat duhet të përcaktojnë hapat që po ndërmarrin, në bazë të rolit që luan Mbretëria e Bashkuar në mbështetje të stabilitetit në rajon”.
Very concerned by tensions in Kosovo. Now is time for restraint and de-escalation and an end to threats or intimidation, including destabilising barricades.
Ministers should
set out the steps they are taking, recognising the role the UK plays supporting stability in the region.— David Lammy (@DavidLammy) December 28, 2022
