Ka votuar Kryetarja e Komisionit Qendror të Zgjedhjeve, Valdete Daka.
Valdete Daka, kryetare e Komisionit Qendror të Zgjedhjeve (KQZ), ka votuar fiks në ora 07:00 në qendrën e votimit në Fakultetin Teknik.
Pas votimit, Daka ka kërkuar nga të gjithë qytetarët që të dalin e ta shfrytëzojnë të drejtën e tyre kushtetuese për votë, raporton Demokracia.com.
Daka po ashtu ka kërkuar nga të gjitha partitë politike që ta respektojnë Kushtetutën e Kosovës, Ligjin për zgjedhje.
“Unë posa e kreva obligimin tim kushtetues dhe si kryetare e KQZ-së, mund të ju konfirmoj se KQZ-ja ka kryer të gjitha përgatitjet dhe obligimet kushtetuese e ligjore. Sot ne ua dorëzojmë të gjitha detyrat votuesve dhe partive politike e vëzhguesve. Sot KQZ-ja vetëm do të monitoroj procesin. Se pari kërkoj nga të gjithë qytetarët që ti respektojnë masat anti-COVID dhe të drejtën e tyre kushtetuese për të votuar. I ftoj po ashtu subjektet politike që t’i respektojnë të gjitha rregullat e KQZ-së, kushtetutës, ligjin për zgjedhje dhe mbi të gjitha Kushtetutën”, ka thënë Daka. /Demorkacia.com/