Një ngjarje sa e çuditshme aq dhe e pazakonte ka ndodhur në Serinë D braziliane, ku një tifoz në përfundim të ndeshjes së kampionatit mes Santa Cruz dhe ASA ka hyrë në fushën e lojës për t’i treguar portierit të skuadrës së Santa Kruz sesi të hidhet për të pritur goditjet drejt portës.
Në ndeshjen e përfunduar me rezultatin 1-2 në favor të skuadrës mike, gardiani i skuadrës i skuadrës është vendosur në qendër të kritikave për paraqitjen e tij në fushë.
Një tifoz i Santa Cruz nuk ka duruar më shumë dhe në fund të takimit ka hyrë në fushë duke i‘u afruar portierit dhe duke i treguar sesi të veprojë për të pritur goditjet drejt portës.
Është dashur ndërhyrja e policisë për të larguar tifozin, me episodin që u bë viral me videot e publikuara në rrjetet sociale./Demokracia.com/