Cristiano Ronaldo iu ofrua skuadrës së Bundesligës, Eintracht Frankfurt, pretendon shefi ekzekutiv i klubit.

Ronaldo shkoi në Kupën e Botës si lojtar i lirë pasi kontrata e tij me Manchester United u ndërpre me pëlqim të përbashkët më 22 nëntor.

Ajo erdhi si rezultat i intervistës së tij shpërthyese me Piers Morgan dhe pas vlerësimit të situatës, u vendos që Ronaldo të largohej për herë të dytë nga United.

Ka pasur shumë zëra se ku do të përfundojë Ronaldo, tani 37 vjeçar.

Skuadra e Arabisë Saudite, Al Nassr, është lidhur shumë me një transferim fitimprurës prej 200 milionë euro për sezon, por dëshira e Ronaldos është për të vazhduar të luajë në Ligën e Kampionëve.

Anëtari i bordit ekzekutiv të Frankfurtit, Axel Hellmann i tha DAZN: “Ai madje na u ofrua”, transmeton Demokracia.com.

Frankfurt mundi Rangers në finalen e Ligës së Evropës në Sevilje në maj dhe siguroi një vend në Ligën e Kampionëve të këtij edicioni./Demokracia.com/