Forcat e armatosura izraelite duket se po arrijnë gradualisht qëllimet e tyre kryesore pasi njoftuan se vranë persona të armatosur të Hamasit në një tunel pranë vendkalimit Izrael-Gaza.

Ushtria izraelite theksoi në mënyrë specifike se vrau “një numër terroristësh që dolën nga boshti i një tuneli në Rripin e Gazës”, pranë kalimit Erez midis Izraelit dhe Gazës.

Ushtarët izraelitë u përballën me personat e armatosur të Hamasit teksa dilnin nga tuneli, thanë Forcat e Mbrojtjes të Izraelit në një postim në Telegram.

Kalimi Erez lidh Izraelin me Gazën veriore. Postimi i IDF tha se në të kaluarën ishte pika ku “mijëra Gazanë hynë në Izrael për punë ose trajtim mjekësor”.

“Hamasi ndërtoi tunele pranë vendkalimit Erez në mënyrë që të mund të sulmonte vendkalimin humanitar dhe të dëmtonte të gjithë në zonë, izraelitë dhe palestinezë”, pohoi ushtria izraelite.

Në postimin e ushtrisë izraelite, thuhet se operacionet e saj brenda Gazës po vazhdojnë.

Sa larg kanë avancuar trupat izraelite?

Trupat izraelite kanë avancuar më shumë se tre kilometra në veri të Gazës, sipas një video të cituar nga CNN amerikan.

Trupat në videon e realizuar të shtunën, mund të shihen duke vendosur një flamur izraelit në çatinë e një hoteli turistik në Gaza.

Faza më kritike e betejës

Gaza është kthyer në një fushë beteje midis izraelitëve dhe njerëzve të Hamasit. Duke analizuar lëvizjet e ushtrisë izraelite, mediat ndërkombëtare flasin për veprime kyçe pak orë pasi Benjamin Netanyahu foli për fazën e dytë të luftës.

“Lufta të ashpra po zhvillohen në terren,” raporton në veçanti korrespondenti i Sky News për Lindjen e Mesme Alistair Bankall, duke shkruar për një ndryshim të dukshëm në taktikat izraelite.

Pati një shkëmbim të rëndë zjarri midis njerëzve të Hamasit dhe ushtarëve izraelitë në verilindje të Gazës, vuri në dukje ai. /Abc news