Dua Lipa para pak ditësh ka lançuar videoklipin e këngës ‘Love Again, e cila është një nga këngët më të pëlqyera të albumit Future Nostalgia.
Pamja dhe performanca e Dua Lipës u ka pëlqyer të gjithëve, por një detaj i ka shokuar të gjithë, e sidomos fansat shqiptarë të këngëtares Lipa, shkruan Demokracia.com.
Në një pjesë të videoklipit, Dua shfaqet me një xhaketë, ku dizajni i saj përkon me flamurin kuq e zi, të Shqipërisë.
Madje, ky detaj është bërë viral në platformën e videove, TikTok, shkruan Demokracia.com.
Në ‘For You Page’ të TikTok vazhdimisht shfaqet kjo pjesë e klipit, ku fansat krenohen që Dua shfaqet me flamurin kuq e zi.
Klikoni KËTU për të shikuar videon.
Pasi sekuenca ku Dua shfaqet me këtë xhaketë nuk është e gjatë, dhe nuk dallohet qartë nëse me të vërtetë xhaketa ka flamurin kuq e zi të vendosur në shpinë, kjo mbetet vetëm konkluzion i fansave.
‘Love Again’ për katër ditë ka grumbulluar plot 13 milionë klikime në YouTube. /Demokracia.com/