Ulqini i ka bërë bashkë Presidenten e Kosovës, Vjosa Osmanin dhe Kryeministrin e Shqipërisë, Edi Ramën, të cilët mbrëmë qëndruan atje me rastin e hapjes së sezonit kryesor turistik.

Në disa fotografi të publikuara në media, Osmani e Rama janë parë të ulur në një tavolinë, në praninë e kryeministrit të Malit të Zi, Dritan Abazoviq.

Bashkë me ta ka qenë edhe kryetari i Komunës së Prishtinës, Përparim Rama.

Ndryshe, me rastin e hapjes së sezonit turistik në Ulqin, sonte do të mbajë koncert tenori i mirënjohur kosovar, Ramë Lahaj.

Organizatorë të kësaj ngjarje të rëndësishëm janë Komuna e Ulqinit, Organizata Turistike, Qendra për Kulturë dhe Ministria e Zhvillimit Ekonomik dhe Turizmit e Malit të Zi.