Prej kohës kur Ministria e Punëve të Jashtme të Kosovës drejtohet nga Donika Gërvalla – Shwarz, politika e jashtme e Kosovës është pothuajse inekzistente.
MPJD-së i mungojnë rezultatet konkrete dhe më shumë se për sukseset e kryediplomates kosovare, mediat njoftojnë për gabimet dhe huqjet e saj, shkruan Demokracia.com.
Shkarkimet e diplomatëve me përvojë, degradimi i stafit diplomatik dhe demotivimi i tij, por dhe ndërhyrjet e vazhdueshme pas ardhjes së Qeverisë Kurti II, po japin pasojat e para, gjë që po rezulton me mosfunksionimin e diplomacisë kosovare.
Që nga ardhja në pushtet e Qeverisë Kurti, shteti i Kosovës nuk ka pranuar ndonjë njohje të pavarësisë së shpallur më 17 shkurt 2008. Gjatë këtyre viteve, Ministria e Jashtme nuk është shquar për suksese as në këtë fushë, por dështimi i këtij dikasteri ka filluar të shfaqet edhe në aspekte të tjera.
Diplomacia, si një aset i madh i shteteve, nuk po arrin të përmbush as objektivat minimale që mund t’i synojë një shtet.
9 MAJ 2024 – MINISTRI I BUJQËSISË PREN SHIRITIN E HAPJES SË KONSULLATËS NË VARSHAVË TË POLONISË
Një shembull konkret i degradimit dhe përzierjes së funksioneve shtetërore është edhe lajmi që Ministrja e Jashtme e Kosovës, Donika Gërvalla – Shwarz, dha nga Varshava e Polonisë.
Hapja e një Konsullate të Republikës së Kosovës në cilindo shtet sigurisht se është një lajm i mirë, por kur shiriti i inaugurimit të saj pritet nga një Ministër i Bujqësisë, atëherë kjo do të ishte e denjë për një pyetje në stilin e serialit komik, Logjikonomisë – Çka dinë “fëmija” çka është diplomacia?
Lexo më shumë për këtë temë:
https://demokracia.com/deshtimi-diplomatik-ministrja-e-jashtme-vrapon-pas-aktiviteteve-partiake-le-pas-fushaten-per-informimin-e-shteteve-per-sulmin-terrorist/ https://demokracia.com/donika-gervalla-po-e-ben-realitet-kerkesen-e-kamotshme-te-albin-kurtit-po-e-mbylle-ministrine-e-jashtme/
