Nënkryetarja e PDK-së, Vlora Çitaku ka thënë në emisionin Pressing në T7 se do të dëshironte që Dardan Sejdiu t’i bashkohej subjektit të saj.
Çitaku ka komentuar emërimet në komunën e Prishtinës, ku është përmendur edhe emri i Dardan Sejdiut. Çitaku ka thënë se për emërime duhet të pyetet kryetari i PDK-së për degën e Prishtinës, Uran Ismaili, mirëpo shtoi se e çmon Sejdiun.
“E çmoj Dardan Sejdiun, do të doja t’i bashkohej PDK-së”, ka thënë ajo.
Sejdiu në të kaluarën ka qenë pjesë e VV-së dhe ka pasur kritika të ashpra për PDK-në, mirëpo Çitaku shtoi se këto nuk do të ishin problem për përafrim.
“Shumë persona që kanë folur kundër PDK-së, tani janë pjesë e jona dhe janë bashkuar gjatë viteve. Jemi në demokraci. Në qeveri ka shumë persona që në të kaluarën kanë qenë pjesë e jona dhe kanë folur kundër VV-së”, shtoi ajo.
PDK-ja e Prishtinës ia falë “mëkatet” Dardan Sejdiut, tash e duan nënkryetar të Prishtinës