Anëtarët e familjes mbretërore britanike kanë qenë gjithmonë në qendër të vëmendjes së publikut, por ata që mundësojnë funksionimin e familjes mbretërore shpesh mbahen prapa skenave.

Megjithatë, është një zonjë, e cila shihet shpesh në krah të Madhërisë së saj. E pamë në foton e familjes mbretërore të bërë në ditën e konfirmimit të Princit William, dhe në ditën e funeralit të Princit Philip, ajo ishte në krah të Mbretëreshës. Emri i saj është Lady Susan Hussey dhe është koha ta njihni më mirë.

Susan Hussey, e cila ka qenë në krah të Mbretëreshës për më shumë se 60 vjet, lindi më 1 maj 1939. Më 25 prill 1959, ajo u martua me Marmaduke Hussey dhe së bashku patën 2 fëmijë. Ajo është baronesha Hussey e North Bradley, një fisnike që shërben si Zonja në pritje e Mbretëreshës Elizabeth II. Pozicioni i Zonjës Susan quhet zyrtarisht Gruaja e Dhomës së Mbretëreshës. Ky term përdoret për t’iu drejtuar një gruaje, detyra e së cilës është të kujdeset për një monarke femër.

Ajo e njeh mbretëreshën Elizabeth II për më shumë se 60 vjet.

Zonja Susan iu bashkua familjes mbretërore në vitin 1960. Ajo filloi shërbimin e saj duke ndihmuar Mbretëreshën t’u përgjigjej letrave. Me kalimin e kohës, ajo u bë një nga anëtarët më të besuar të zyrës së Mbretëreshës dhe thuhet se ajo quhet Numri një I Mbretëreshës. Gjatë gjithë karrierës së saj prej 6 dekadash, Zonja Susan ka qenë dëshmitare e një sërë ngjarjesh kryesore që ndodhën në familjen mbretërore.

Ajo mirëpriti nuset, Lady Diana dhe Meghan Markle, dhe thuhet se rekomandoi dadon e Princit Ëilliam dhe Princit Harry. Zonja Susan Hussey ka krijuar marrëdhënie të ngushta jo vetëm me Madhërinë e saj, por edhe me anëtarët e tjerë të familjes mbretërore dhe njerëzit e afërt me të. Në vitin 2017, për shembull, ajo u fotografua krah për krah me Pippa Middleton, kur të dyja vizituan një kishë në Sandringham.

Ajo është kumbara e Princit William.

Fotoja e mësipërme përkujtoi ditën e konfirmimit të Princit William. Ju mund të shihni Zonjën Susan Hussey duke qëndruar në rreshtin e fundit, pas Dianës dhe William, të veshur me të gjelbër. William ka 6 kumbarë. Përveç Zonjës Susan, ata janë Mbreti Konstantin II i Greqisë, Lordi Romsey, Princesha Alexandra, Dukesha e Westminsterit dhe Sir Laurens van der Post.

Ajo ka qenë gjithmonë në krah të Mbretëreshës.

Pas gjithë viteve që Zonja Susan ka kryer me besnikëri detyrat e saj dhe ka mbështetur Madhërinë e saj, nuk është për t’u habitur që Mbretëresha iu drejtua kur ajo kishte nevojë për mbështetje në ditën e funeralit të Princit Philip. Në këtë moment pikëllimi, Mbretëresha thirri miken e saj të vjetër për të ndarë ndjenjat e saj dhe për të gjetur pak ngushëllim.

Dhe megjithëse Zonja Susan nuk hyri në kishë dhe mbretëresha ishte ulur vetëm, ajo shoqëroi Madhërinë e saj në rrugën për në ceremoni dhe ishte pranë saj në atë moment të dhimbshëm.