Derek Chollet, nuk do të jetë më këshilltari i Lartë i Departamentit të Shtetit, pasi do të jetë në pozitën e nënsekretarit të Departamentit të Mbrojtjes të Shteteve të Bashkuara.
Për këtë ai ka marrë urim nga Sekretari amerikan, Antony Blinken, i cili ka vlerësuar Chollet dhe ka thënë se largimi i tij do të jetë humbje për ekipin e Sekretarit, por fitore për Departamentin e Mbrojtjes.
Pas kësaj Chollet e ka falënderuar Blinken për mbështetjen, duke thënë se ka qenë nder i madh që i ka shërbyer popullit amerikan me Sekretarin Blinken dhe ekipin e Departamentit të Shtetit.
Chollet është shprehur i lumtur me mundësinë për t’u rikthyer në Departamentin e Mbrojtjes dhe ka shtuar se pret të konfirmimin e nominimit të tij në Senat.