Skuadra e Chelseat ka korrur fitoren e parë nën drejtimin e trajnerit të ri Thomas Tuchel i cili erdhi për të zëvendësuar anglezin Frank Lampard në “ Stamford Bridge”.
“Blutë” e Londrës kanë triumfuar me rezultat 2-0 kundër Burnleyt në kuadër të xhiros së 21- të të Premier Ligës, përcjell KosovaPress.
Goli i parë erdhi në minutën e 40’ kur Azpilicueta mori një asistim nga Hudson-Odoi dhe me këtë rezultat skuadrat shkuan në pushim.
Në pjesën e dytë skuadra e Tuchel vazhdoi të kërkonte golin e qetësisë por e gjeti atë vetëm gjashtë minuta para fundit të ndeshjes me anë të mbrojtësit anësor, Marcos Alonso.
Pas 21 ndeshjeve, Chelsea ka mbledhur 33 pikë dhe renditet në vendin e shtatë në tabelë, kurse Burnley është në vendin e 16 me 22 pikë./Demokracia